AMAR JAWAN

Cheekh utha tha dard se

Seena bharat maa ka tab

Khoon se bachcho ke apane

Ranga uska anchal jab

Beh nikali aansu ki dhara

Tut gai himmat bhi tab

Kandha jawan bete ko

Diya budhe baap ne jab

Nikal gai seene se jaan

Tham gaya tha waqt bhi tab

Nirjeev bete ko seene se

Lagaya bilakhti maa ne jab

Chudi tuti mit gaye rang

Khamosh ho gae sabke lab

Lipat tirange mein uska

Saathi laut ke aya jab

Nanhi jaan ko samjh na aaye

Papa usake kyu nahi aaye

Godi mein utha kr bitiya ko

Jhoola ab kaun jhulae

Kone mein ek behen khadi thi

Tofe raakhi ke dekh rahi thi

Gudiya senne se lagaye

Chupke chupke ro rahi thi

Dil bhara hai aankhein nam hai

Sabke ke dilmein ek hi gam hai

Kyun har baar jaan ko apani

Ek sainik hi khota hai

Kyun balidaan ke baad bhi

Insaaf kahin nahi hota hai

MAIN EK AURAT HUIN

kuch ne chaha kuch ne pooja

kuch ne beparvah rouind diya

fir bhi tere bikhare jeevan ko

hasate hue hai jod diya

kabhi tola dinaaro mein

kahin becha bajaaroin mein

baizzat mujhey kar chod diya

kai izzatdaroin ne

mere jida jal jaane ko tumne

sati kaha,balidaan kaha

tumne bas ek roti de di

aur usako bhi ehsaan kaha

gunahoin ki saare tumhare

mujhpe jimmedari hai

fir bhi tum ho kaise kehete

ye toh BAS ek NAARI hai

 tu bhi hai mujhse hi bana

tujhko janam mein deti hu

main maa huin,main hu behen

main biwi main beti hu

abala jisane samjha mujhko

ki galti ye bhaari hai

har ek aurat mein chipi hui

jhaasi wali raani hai

pyar ki murat huin main

jindagi ki surat huin

iss jag ki janani huin 

main ek aurat huin

DESH MERA YE ROYA HOGA

soch zara ae saathi mere

mera desh ye kitana roya hoga

jab bojh teri gaddari ka 

seene pe isane dhoya hoga

apani mitti se banaya tujhko

apane anchal mein pala hai

niswarth tujhey chahane ka

ye kaisa sila paya hai.

tukade tu karna chahe jisake

koi cheez nahi vo maa hai.

pehele hi jisane apana hissa

bewajha hi gawaya hai

isane hai tujhey abaad kiya

jisaki barbadi tu chahta hai

mat bhul ussi mitti mein apna

har sainik khoon milata hai

Ye desh mera meri jaan hai

tere haath ka khilona nahi

mat bhul teri gaddari se hum

nishabdh hai par nishastra nahi

bharat ki barbadi ko agar

har ghar se afzal nikalega

sanghar karne ko uska

ghar ghar se ashfaq nikalega

MERA HINDUSTAN

Mera desh meri jaan

Dharm yahi, hai mera imaan

Mera pyar aur meri chahat

Hai bas mera hindustan

Hai suraj ki thali yahan

Hai chanda ki pyali yahan

Kabhi eid kabhi diwali yahan

Aisa hai mera hindustan

Hai bindiya hai chunari ,payal

Hai saree hai mehendi, kajal

rangeela hai har sama

Yahi hai mera hindustan

Nadiya hai balkhati yahan

Panchi bhi itraye jahan

Hawaaein bhi khilkhil lehrati

Jahaan se pyara hindustan

Subah hai sunehri jisaki

Mandir mein bajti hai ghanti

Aur masjid mein ajaan

Diloin mein basta hindustan

Teri god mein liya janam

Teri mitti mein hue javan

Chahat dil ki hai yahi

Kadamoin mein tere nikale jaan

YAADEIN

Ateet ki kitab se

kuch panne khol lati hai

kuch bhuli bisari yaadein hai

jo aksar yaad aati hai

chupa hua sa dard koi

fir se ched jati hai

kabhi khoyi hansi koi

fir se gudgudati hai

Mann ki shant nadi mein ye

kankad si gir jati hai

beete hue lamhoin ki

lehroin ko le aati hai

kabhi kisi khyal mein chupkar

dil ko tadpa jati hai

kabhi pyar ka choga odh kar

zakhmoin ko sehlati hai

kabhi kahi baat koi

gujare pal le aati hai

kabhi koi khushbu purani 

yaadein mehka jati hai

tanhapan ki saathi hai

ye chupke se aa jati hai

dil ke band darwazoin pe

dastak ek de jati hai

Ateet ki kitab se

kuch panne khol lati hai

kuch bhuli bisari yaadein hai

ji aksar yaad aati hai

KHUSHI

Ae khushi tu reheti kahan

kis jagah hai thikaana tera

dar badar tujhey dhoondate hai

kahan hai aashiyana tera

pal do pal ko pass to aati

fir kahan tu chup jati

pass tujhey main rakhna chauin

kyu na kahin tu ruk pati

gam ke badal jab jab ghere

dar aankhoin se barasta hai

tab pal pal tujhse milane ko

dil har pal hi tarasta hai

bhar ke khud ko daman mein

moti ban aankh se girati hai

lehere gam ki aye toh

reti si haathoin se fisalti hai

kabhi bache ki hansi mein dikhati

kabhi maa ke aanchal mein

bansat ke phoolo mein khilati

kabhi chanchal bachpan mein

jalti dhoop mein saya hai tu

girte ka tu hai sahara

rote ko mila dilasa hai tu

patjhad mein tu hai bahara

ae khushi tu reheti kahan...

AANSU

haare hue insaan ki

thakaan hai aansu

gumshuda manjilo ki

aawaz hai aansu

dilon mein basi

tanhaiyan hai aansu

zindagi mein ghuli

viraaniya hai aansu

tute hue sapano ki

nirashaa hai aansu

bachche ko diya

dilaasa hai aansu

dil ko jo tod gai gai

vo baat hai aansu

jisaki na subah hui

vo raat hai aansu

gujare hue dino ke

kisse hai aansu

aankhoin ke atoot

hisse hai aansu

bujhey armaano ki

kasak hai aansu

khoye rishtoin ki

tadap h aansu

halatoin ki beparda hakeekat hai aansu...